Duman qalxır, yağış yağır,
Sənsiz qalıb darıxanda.
Mən oluram sanki fağır,
Sənsiz qalıb darıxanda.

Gəlir qəlbə dərd toxumu,
Pas da basır eşq oxumu,
İtirirəm mən yuxumu,
Sənsiz qalıb darıxanda.

Dilim istər acı dada,
Gəlir mənə bəla, qada,
Xatirələr düşür yada,
Sənsiz qalıb darıxanda.

Hey titrəyir ayaq, əlim,
Bükük olur belim,
İstəyirəm o an ölüm,
Sənsiz qalıb darıxanda.

Dünyam tamam başqalaşır,
Canım özümə yadlaşır,
Sevinc məndən uzaqlaşır,
Sənsiz qalıb darıxanda.

Bədən olur bir top yumaq,
Solur dodaq, solur yanaq,
Sevgim edir məni qınaq,
Sənsiz qalıb darıxanda.

Bu hicranın sərtmiş üzü,
Noolar ayırmasın bizi,
Əllər qucaqlayır dizi,
Sənsiz qalıb darıxanda.

Sinəm altda daş görünür,
Gözlərimdə yaş görünür,
Dünya mənə boş görünür,
Sənsiz qalıb darıxanda.

Düşündükcə rəngim solur,
Qəlbimə qəm qüssə dolur,
Hər sözüm bir şeir olur,
Sənsiz qalıb darıxanda.

Dodaqlarım cadar cadar,
Bulaqlarda susuzlaşar,
Kədər mənə tez yapişar,
Sənsiz qalıb darıxanda.

Gecə uzun gün qısalır,
Başım üstün ölüm alır,
İlan kimi dərd də çalır,
Sənsiz qalıb darıxanda.

Göy birləşir bil yer ilə,
Göz yaş tökür gilə-gilə,
Ürək dərddən gəlir dilə,
Sənsiz qalıb darıxanda.

Dağlar üstümə gəlir,
Ayrılığın qəmi yeyir,
Güllərim solub gedir,
Sənsiz qalıb darıxanda.

Sellər gəlir, çaylar daşır,
Göz ağlayır ürək çaşır,
Dərdlərimdə başdan aşır,
Sənsiz qalıb darıxanda.

Kimsə bilmir dərdim nədir,
Dərd dərmanım bir səndədir,
Başım itir ağlım gedir,
Sənsiz qalıb darıxanda.

Gül çiçəklər bəndə düşər,
Acı kədərlə ötüşər,
Gecəm, gündüz səhve düşər,
Sənsiz qalıb darıxanda.

Dərd əlindən yanır üzüm,
Nurdan düşür görmür gözüm,
Nə gecəm var, nə gündüzüm,
Sənsiz qalıb darıxandda.

Alovlanıb od oluram,
Dərd səpən fəryad oluram,
Özümə də yad oluram,
Sənsiz qalıb darıxanda.

Lal su təki sakitəm mən,
Gecə kimi sukutam mən,
Ağlar qalan buludam mən,
Sənsiz qalıb darıxanda.

Mən dönmərəm öz əhdimdən,
Peşiman olsanda