Ömür yaşamaq deyil...

Ömür yaşamaq deyil,
Yıxılıb və qalxmaqdır.
Kim ki qalxmaq istəmir,
Demək özü axmaqdır.

Mən də yıxıldım,durdum,
Durdum sol fərəfimdə,
Gördüm bu ömür bir az
Soldan sağa baxmaqdı.

Güclüsənsə, yenə də
gedənlərin ardınca
bir az özünə gəlmək
və özündən çıxmaqdı.

Bir az yenidən sevmək,
Allahı sevindirmək,
sevdiyinçün arabir
istəsən darıxmaqdı.

Bir az üsyan etməkdi,
bir az həbs olunmaqdı.
Dünyaya sığmayarkən
dörd divara sığmaqdı.

Mən də yıxılıb durdum,
durdum sağ tərəfimdə,
gördüm,bu ömür həm də
sağdan sola baxmaqdı.

Baxdım və anladım ki,
yaşanmayan günləri
Soldan sağa dağıtmaq,
sağdan sola yığmaqdı.

Terlan Ebilov
Şairin ,, Sonuncu halqa" kitabından