Səndən danışır
*****
İlahi gözəllik məst edir məni,
Oxşayır ruhumu səhər sərini,
Yaqut, inci gecə örtmüş çəməni
Şəbnəm də, güllər də səndən danışır.
*****
Hər səhər oyadır quşların səsi
Bulağın nəğməsi ana laylası
Çayın şırıltısı, mehin nəfəsi,
Oxuyan bülbüllər səndən danışır.
*****
Qəlbi incitsə də, şirin həsrətin
Ürəyə fərəhdir saf məhəbbətin.
Gözümün önündə gözəl surətin,
Könlümdə nəğmələr səndən danışır.
*****
09.06.2017
Mirzə Məhəmmədhüseyn.