(Özümüzü ağlamağa öyrəşdirməyək, döyüşmək lazımdır)
MƏNİMLƏ GƏLİN..

Namusu qeyrəti əsir düşənlər,
Yaddaşı ölənlər mənimlə gəlin.
Vətənin qırağı,ortası olmaz,
Yerini bilənlər mənimlə gəlin.

Bu yolun cığırı,kolu bəllidir,
Bu yolda yağış var,dolu bəllidir,
Qirxagin,acizin yolu bəllidir,
Öldürə bilənlər mənimlə gəlin.

İşgal Vətən adlı sözə yaraşmaz,
Əyriyə əyilmək duzə yaraşmaz,
Bu dərdlə ağlamaq bizə yaraşmaz,
Ölümə gülənlər mənimlə gəlin.

Yadlar deməsinlər ürəyimiz yox,
Gör neçə vaxt keçib əməyimiz yox,
Bizim bizdən başqa köməyimiz yox,
Qisas gözləyənlər mənimlə gəlin.

Görməsək gözumuz cuxura batar,
Bu gün oyanmasa əbədi yatar,
Mənim bayrağımın ustundə qan var,
Torpağı sevənlər mənimlə gəlin.

Bir gün qaradadır, bir gun ağdadır,
Aranda gəzdiyin bəlkə dağdadır,
Təbrizin açarı Qarabağdadır,
Kişilər,ərənlər mənimlə gəlin.

Iqbal Nehmet