Gülüb danışıram, ürəyim yanır,
Bəlkə də kimlərsə unutdum sanır.
Bu həsrət mənimlə birgə yaşlanır,
Ayrılıq əlindən gəlmişəm cana,
Ürəyim Atamı istəyir, Ana.!

Qəlbimə saplanıb say-hesabsız ox..
O sonsuz yolların, yolçusu nə çox.
Çıxsam mən də yola bir bələdçim yox,
Bilmirəm baş alıb gedim hayana,
Ürəyim Atamı istəyir, Ana.!

İllərdir oynadım mən bu oyunu,
Düşündüm bəlkə də taparam onu.
Anladım, bitməz ki, bu yolun sonu,
Bir də belə biri gəlməz cahana,
Ürəyim Atamı istəyir, Ana.!

Bu yük necə ağır, o bilməz oldu,
Həsrəti, nisgili o silməz oldu,
Gedər gəlməzlərdən o gəlməz oldu,
Yollarımı saldım mən qəbristana,
Ürəyim Atamı istəyir, Ana.!