Fikirlər dərd olub ay dostlar yenə,
Şükürlər edirəm hər ötən günə,
Əxlaqsız, əxlaqdan dərs verir mənə,
Mən hansı vərəqə yazım bu dərdi,
Vərəq ağlamasın,vərəq yanmasın?!

Şair könlüm mənimlə düz dolanmır,
Neyləsəmdə ikiüzlü olammır,
Qazanımda çömçələr düz bulanmır,
Mən hansı vərəqə yazım bu dərdi,
Vərəq ağlamasın, vərəq yanmasın?!

Susub xəyallara dalıbdır dağlar,
Kövrəlib, inciyib dolubdur dağlar,
Matəmlər marşını çalıbdır dağlar,
Mən, hansı vərəqə yazım bu dərdi,
Vərəq ağlamasın, vərəq yanmasın?!

Əjdadların xatirinə dəyirlər,
Eşidənlər vallah bizi söyürlər,
Qadınlarımıza pozğun, ləçər deyirlər,
De, hansı vərəqə yazım bu dərdi,
Vərəq ağlamasın, vərəq yanmasın?!

Ayrı cür qurulub, ay vətən qurğun,
Heçkimə çatmayır əzabın, ağrın,
Vətən xainidir deyirlər Vurğun,
De, hansı vərəqə yazım bu dərdi,
Vərəq ağlamasın, vərəq yanmasın?!

Harınlar əlində oyuncaq olduq,
Misraya düzüldük, gözlərə dolduq,
Haqdan haq soruşduq, rədd cavab aldıq,
De, hansı vərəqə yazım bu dərdi,
Vərəq ağlamasın, vərəq yanmasın?!

Büdrəsən əlindən, kimsə tutmursa,
Elinə, yurduna səsin çatmırsa,
Ümüdlü gözlərin yaşsız yatmırsa,
De, hansı vərəqə yazım bu dərdi,
Vərəq ağlamasın, vərəq yanmasın?!

Qeyrətsiz ay bala, qeyrətdi oldu,
İsmətsiz ay bala, ismətdi oldu,
Halal çörəyimiz minnətdi oldu,
De, hansı vərəqə yazım bu dərdi,
Vərəq ağlamasın, vərəq yanmasın?!

Nər kimi oğullar, qula döndüsə,
Namuslu gözəllər, dula döndüsə,
Müqəddəs nə varsa, pula döndüsə,
De, hansı vərəqə yazım bu dərdi,
Vərəq ağlamasın, vərəq yanmasın?!

Ürəyim, Vətənim bax! para-para,
Yenə çıxardıblar bizi bazara,
Bölünə bölünə gedirik hara?
De, hansı vərəqə yazım bu dərdi,
Vərəq ağlamasın, vərəq yanmasın?!

Qapından bir kimsə girmir ay Vüsal,
Görənlər ta səni görmür ay Vüsal,
Salam verənlərdə vermir ay Vüsal,
De, hansı vərəqə yazım bu dərdi,
Vərəq ağlamasın, vərəq yanmasın?!