Sən ömrümün günü, ayı, ulduzu,
Qaranlıq talemə doğan səhərim.
Qəlbimin arzusu, sözümün duzu,
Dilimin dadısan, balım, şəkərim.

Yanında illərim bir ana dönür,
Xoşbəxtlər xoşbəxti oluram, vallah.
Sənsiz həyat eşqim inan ki, sönür,
Dünyanın bədbəxti oluram, vallah.

O şirin gülüşün, xumar baxışın,
Bir hicran ünvanlı yarama məlhəm.
Hər sözün sözlərin gülü, naxışı,
Mənim hicranıma, dərdimə həmdəm.

Bu necə sevdadır, düşdüm İlahi,
Nə yerdə, nə göydə yoxdur qərarım.
Qəlbimi odlayır bu eşqin ahı,
Hardasan, yet Vüsalın dadına, nazlı yarım!