Sən əzizsən mənə bil, cümlə gözəldən, gözəlim.
Sənə aşiqdi könül çünkü əzəldən, gözəlim.

Sanki Allah yaradıb ayla bulud mənzərəsi,
Sifətin üstə vurub süs qara telden, gözəlim.

Məni kim görsə bu əhvalla sanar badəpərəst
Elə məst olmuşam, ağlım gedib əldən, gözəlim.

Səni qirmışsam əgər əvf elə çaşqınlığıma
Aşiq olmaz ki, mükəlləf hər əməldən, gözəlim.

Nəfəs aldıqca səsim ismini ətrafa yayar,
Eyləyib ar, özümü gizlərəm eldən, gözəlim

Vüsal istər dolanıb başına səyyarə kimi
Gecə gündüz oxusun şer -ü qəzəldən, gözəlim.