Ağlama ay ana qurbanın olum.
Göydəki mələklər eşidər səni.
Başını söykəmə məzar daşıma,
Soyuq məzar daşım üşüdər səni.

Ağlama ay ana, bəs edər mənə,
Məzarım üstünə qoyduğun çiçək..
Burda həyan olub əziz körpənə,
Bütün dərdlərini sağaldıb fələk...

Ağlama ay ana, onu bil ki sən!
Cənnətin quşuyam mən indi burda.
Məzarım üstünə sevin gəl ki sən!
Qəmlərə qarşıyam mən indi burda.

Üzülmə ay ana, Allaha inan.
Bilirəm ağırdı bir bala dərdi.
Bir də onu bil ki gəldiyim məkan,
Hamının əbədi gəldiyi yerdi.