(Yenə sevgidən yazdım)
QADAN ALIM...

İçin titrəməsin çöldə külək yox,
Bu sevgi ac qaldı,bizdə çörək yox,
Məndə dayanmağa səndə urək yox,
Bir yolluq gedirsən, get qadan alım.
..
Diri adamıyam nə işim yasla,
Mən belə yaşadım hey basabasla,
Ölümə hazıram zülümə əsla,
Əlindən gələni et qadan alım.
..
Soyu olmayanlar soy axtarmasın,
Sevə bilməyənlər toy axtarmasın,
Tapa bilmədisə qoy axtarmasın,
Yavaşca gözümdən it qadan alım.
..
Götür, qulağının sırğası qalıb,
Qulaq as şeirimin arxası qalıb,
Bülbüllü bağımın qarğası qalıb,
Qon quru budağa öt qadan alım.
..
Adın yaşayacaq gələnlər silməz,
Bizi biz bilirik, bir kimsə bilməz,
Daha bundan sonra baharım gəlməz,
Özgə bağçasında bit qadan alım.

Iqbal Nehmet (yeni)