Ümüdüm bir dənə sənədir Allah,
Sevgimi eyləyən talan, gülməsin.
Yaxşımı yozaraq şərə, pisliyə,
Məni dərdə , qəmə salan, gülməsin.

Kimlərsə istəyir axsın göz yaşım,
Necə ki arzusu, çatlasın qaşım,
Kimin ki, başına ağırdır daşim,
Həyatı qoy olsun yalan, gülməsin.

Hər kimsə qarşımda meydan sulayır,
Yolumun üstündə qurd tək ulayır,
Kimlər ki duyğumu qana bulayır,
Könlümün nəşəsin alan, gülməsin.

Onsuzda yaltağa yoxdur ki, xeyri,
Gördüyü hər işi olubsa əyri,
Nəticə çıxarsın, etməsin seyri,
Düşmən ilə əlbir olan, gülməsin.

Vüsal, qırılıbdı qəlbdə çırağın,
Dostlara çatmayır səsin sorağın,
Görünür əlinə , yasaq varağın,
Araya nifaqı salan, gülməsin.