Sızlayan ağrılar uşaq kimidir,
Zəhəri udmağa qaşıq kimidir.
Ürəyim ağrıdan fəqan eyləyir,
Agrı da, zəhər də aşiq kimidir.

Ürəyə gələni dil deyə bilmir,
Hıcqrir sozlərim, göz deyə bilmir,
Qəlbin xatirinə, soz deyə bilmir,
Misralar ağlayan aşiq kimidir.

Nöqtədən vergülə düzələn dərdim,
Ürəkdə fəryadla döyünən dərdim,
Cismimlə çöllərə bölünən dərdim,
Misrada ağlayan aşiq kimidir.

Ürəyə yüklənən hər ağrı şahdır,
Verdiyi hökümlər bədənə ahdır.
Sevgini duymayan, hisslərə yaddır,
Misrada ağlayan aşiq kimidir.

Kədər buludların çəkib üstümə,
Zaman saniyələri durub qəsdimə,
Ruhum ocağın çəkib yanır tüstümə,
Misralar ağlayan aşiq kimidir.

Varsa ürəyin yüz cür dərdi səri,
hər gecə içirər ağu zəhəri,
bilməzsən necə açdın dan səhəri,
Misralar ağlayan aşiq kimidir.

Verdiyin acını ürəyə saldım,
Hər gecə səninçün xəyala daldım..
Ətrini nur verən ulduzdan aldım,
Misralar ağlayan aşiq kimidir.

Ürəyin alovu ürəkdə söndü,
Sevincim körpəykən bələkdə dondu..
Səadet gen gəzdi, kələyə döndü,
Misralar ağlayan aşiq kimidir.

Məhəbbət canımdan aldı təpəri,
Sevginin göyündə boğdu səhəri...
Alışdım, heç kəsin yoxdu xəbəri,
Misralar ağlayan aşiq kimidir.

Məhəbbət olsa da göyün hakimi,
Anlayan olmayıb ruhi tilsimi.
İnləyir hər zaman canın tel simi,
Misralar ağlayan aşiq kimidir.