ŞAXTA BABA

Yığışdır xurcununu,gizlə oyuncaqlarını,
Uşaqlar sud istəyir, inək gətir şaxta baba.
Səni adam bilərək inandıq ağ saqqalına,
Bu dəfə isti qutab,çörək gətir şaxta baba.

Satılıb toyuq-cücə,boş qalıbdı hinlərimiz,
Deyəsən qabaqda imiş görəcək günlərimiz,
Tək olan Allaha qalmış gələcək günlərimiz,
Bir az da arzu gətir, dilək gətir şaxta baba.

Beləcə yaşlanırıq ömür gödək, zaman qırıq,
Pulumuz olmasa da bərk gedirik dayanmırıq,
Bizdə adət belədir cox yatırıq oyanmırıq,
Yuxudan oyatmağa kürək gətir şaxta baba.

Sürtürük boş cibə ondan yeyilir dırnağımız,
Qışı gözləmır daha tez tökülür yarpağımız,
Gör necə ildi ki, işğalda qalıb torpağımız,
Gücümüz çatmır alaq kömək gətir şaxta baba.

Zalımın bostanında kök atmışam,tağ olmuşam,
Yaltağa ortaq olub,ortağa yaltaq olmuşam,
O qədər sıxılmışam,baxsana, qorxaq olmuşam,
Mənə bir urək kimi,urək gətir şaxta baba.

Iqbal Nehmet