Bu gun elə bilki tanımır məni
Dünen adam bilib əl verdiklərim.
İlişə-ilişə keçir yanımdan,
Yalın ayağına nal verdiklərim.

Kiminə dost oldum, qəhər gətirdi,
Dedim çiynimde gəz, yəhər gətirdi.
Əliylə süfrəmə zəhər gətirdi
Əlimlə ağzına bal verdiklərim.

Kiminə dost oldum,kiminə ata,
Dar günde qoymadım o itə bata.
İnanmazdım məni manata sata
Ağır günlərində pul verdiklərim.

Qanana çekesen zəhmət cəkəndə,
Qanmazda itməyə bircə tikən də.
Görəsən yoluma tikan əkəndə
Xəcalət cəkirmi gül verdiklərim?!