Leyliyə oxşayıb canlar alanım,
Məni dərdə-qəmə salma, sənAllah.
Gözümün üstündə yeri olanım,
Gözümün altında qalma, sənAllah.

Gözlərimdə qüssə-kədər çoxalar,
Dərd böyüyər gözlərimdə ox olar,
Göz yaşlarım quruyaraq yox olar,
Gəl canımı belə alma, sənAllah.

Tanrıdan bəxtimin, sən dan ulduzu,
Qışdan təzə çıxan ömrümün yazı,
Gözümün üstündə qal ay Azəri qızı,
Gülüm dərdə-qəmə dalma, sənAllah.
Vüsalam, canımı alma, sənAllah.