Yaxşılıği ağlatdılar qul kimi,
Etibarı xərclədilər pul kimi...

Bu dünyanın iç üzünü,
Öyrənənin vay halına.
Qatlayıb hər bir dizini,
Gizlənənin vay halına.

Həmdərdlilər ərşə çıxır,
Yerin göyün bağrın yaxır,
Üzə çıxıb əvvəl axır,
Görsənənin vay halına.

Baxmayır həya, arına,
Əxlaqı gəlmir karına,
Haqq bağında can barına,
Söylənənin vay halına..

Evlər yıxıb axıtsa qan,
Cəzasız qalarmı o can,
Bir an haqqın qapısından,
Tərpənənin vay halına.