Gecələr həsrət çəkən nazlı yarım, de hardasan?
Məni Məcnun eyləyən xoş nigarım, de hardasan?


Gecədən sübhə qədər göz yaşını leysan edən,
Gözünün yaşın qurut xuramanım, de hardasan?


Mən yanar bir Kərəməm, Əsli olub söndür məni,
Gəl sən məndən incimə, yanar canım, de hardasan?


Gözlərinə baxıram, gözlərin məst edib məni,
Gözlərimin bəbəyi, ay xumarım, de hardasan?


Damarda donar qanım, sən məndən incisən əgər,
Gəl məni atıb getmə vəfadarım, de hardasan?


Mənki Məcnun deyiləm, Leyli deyib qan ağlayam,
Səninçün gözlərimdən axar qanım, de hardasan?


Həsrətlə dolu olan gözlərini dik gözümə,
Leyli tək etibarlı, etibarım, de hardasan?


Vüsalı ucaltmısan bu sevgidə səmalara,
Səmalar tək yüksələn ay vüqarım, de hardasan?