Əziz dostlar Gənclik gününüz mübarək olsun...!!!
Gənclər bizim sabahımızdı...

Zirvəyə can atır, sədləri aşır,
Özünə sığmayır sel olub daşır,
Bəzən düz yol gedir, bəzənsə çaşır,
Ümmandı, sabaha gümandı gənclik.

Vətən övladıdır torpağa bağlı,
Vətəni işğalda ürəyi dağlı,
Qolunda gücü var başında ağlı,
Düşmənin gözünə tikandı gənclik.

Arzusu diləyi tükənməz ümman,
Onun sürətinə yetişmir zaman,
Millətim ucalar, onadır güman,
Zirvədə tufandı, sultandı gənclik.

Aşır sərhədləri, dağ dərə bilmir,
Nahaqqa hayqırar, haqq olsa dinmir,
O qana qan deyir, göz yaşı silmir,
Gələcək dövrana nişandı gənclik.

Bəzən mən-mən deyir, dönmür sözündən,
Tonqallar qalayır, külün özündən,
Dünya nahaq olsa düşsə gözündən,
Fələyin üstünə cumandı gənclik.