Günlərlə tökmüsən gözümün yaşın,
Bircə yol rəhm edib heç silməmisən..
Mənimsə gözlərim, sənin gözündən,
Çox şeylər oxuyub sən bilməmisən..

Təkcə gözlərimlə sevmədim səni,
Sevdim könlüm ilə saf qəlbim ilə..
Sən dilinlə dedin öz sevdiyini,
Mən sübut eylədim əməlim ilə..

Gözün gözlərimdən yayına bilər,
İzimin yanından izin silinməz..
Bəlkə əməllərin məndən gizlənər,
Vicdanın Allahdan gizlənə bilməz..

Üzünə deyəndə sözün düzünü,
Məni düşmən bilib iblis sanırsan.
Hələ sevgimizi danmaq bir yana,
Bəs özün özünü niyə danırsan??

Getmək istəyirsən? O yol o da sən,
Hətta xatırlama daha heç nəyi..
Bircə anlıq düşün kim nə itirdi?
Mən bir yalançını, sən bir gerçəyi...