Qəribə məhəbbət yaşamışam mən,
Qurduğum xəyallar daşa dəyibdir.
Mən sevib sevgini başa düşənnən,
Dünyanın kədəri mənə gəlibdir.

Kədərsiz sürürsən ömürünü gülüm.
Mənim qamətimi kədər əyibdir.
İnsanın yaşına baxmayır ölüm,
Həsrətindən əriyən canım heyifdir.

Gizlicə gözümün yaşını silim,
Düşünmə sevgilin belə zəyifdir.
Qayıt söyləməyə gəlməsə dilim,
Başa düşəcəksən haqq eliyibdir.

Ötəri sevgilərə alışma - yanma,
Çoxunun həyatını məhv eliyibdir.
Azadın sevgisini bilmədin amma,
Səni şeirlərinə həkk eliyibdir.

Müəllif: Azad HəsənLi