Ay ana, nə yaman üşüyürəm mən
Yəqin darıxmısan yaman mənimçün
Ay ana, nə yaman islanmışam mən
Yəqin ağlayırsan yenə mənimçün.

Ay bacım, qardaşım gül içindəyəm
Yəqin oxutmusuz mənim duamı
Ay ata, bir bilsən mən cənnətdəyəm
Yəqin ki silmisən o göz yaşını.

Ay mənim millətim, ay mənim xalqım
Mən şəhid olmuşam torpağım üçün
Götürün bayrağımı ayağa qalxın
Canımı vermişəm mən sizlər üçün.