Bəxtim də üzümə gülməyib mənim,
Ağlayıb, sızlayıb min ah etmişəm.
Hisslərim ruhuma kəsilib qənim,
Mən səni sevməkdə günah etmişəm.

Eşqin qüdrətinə inanıb heyhat,
Sevərək mən səni olmuşam bərbad.
Kədərim könlümdə qurubdur ''büsat'',
Mən səni sevməkdə günah etmişəm.

Şeyirlə qəlbimə açar eylədin,
Sağalmaz dərdlərə düçar eylədin.
Naümüd buraxıb naçar eyledin,
Mən səni sevməkdə günah etmişəm.

Əzabı artırıb hər gələn sabah,
Görmədim bu eşqdə güya suç, günah.
Sənin tək yatanı oyatmaz bu ah,
Mən səni sevməkdə günah etmişəm.

Qəlbi olmayana nə eşq, nə sevgi,
Sevginin özü bir səcdədi bilki.
Görünür o sənə layiq deyilki,
Mən səni sevməkdə günah etmişəm.

Etimad etmərəm mən dönüklərə,
Qarğışda demərəm heç sönüklərə.
Nəhayət, anladım bunu son kərə,
Mən səni sevməkdə günah etmişəm.

Çəkibdir Vüsal, dağdan ağır yük,
Olmayıb heç zaman sevgiyə dönük.
Bu sevda dağınıq, bu sevda böluk,
Mən səni sevməkdə günah etmişəm.