_______"Bu gecə"

Bu gecə hər yerdə fərqli mənzərə,
Fərqli davranış var, fərqli hava var.
Bu gecə hardasa dinclik, rahatlıq,
Hardasa döyüş var, qan var, dava var.
Bu gecə kimlərsə şəhvət izində,
Kimi doğmasında hörmət axtarır.
Kimisi namusun, qeyrətin satır,
Kimisi bu gecə şəfqət axtarır.
Bu gecə bir insan ac, yuxusuzdur,
Bir insan əlində pul tutub, yatır.
Kimi əsir düşüb, kədərə, dərdə,
Kimisi əylənir, başını qatır.
Bu gecə bir insan gəlir dünyaya,
Bu gecə bir insan köçür dünyadan.
Bu gecə kiminin ruhu səcdədə,
Kiminə qonaqdır, bu gecə şeytan.
Bu gecə hardasa şadlıq var, toy var.
Bu gecə hardasa bir ocaq sönür.
Bu gecə kimlərsə haqq yolun tapır,
Kimlərsə bu gecə haqq yoldan dönür.
Bu gecə bir şair onu vəsv edir,
Gah gülüb, sevinir, gah da, üzülür.
Bu gecə dünyada nə baş verirsə,
unudma, Allahın bilir.