Nə müddətdi məndən uzaq gəzirsən,
Hicran yaman izin salıb deyəsən..
Necə deyim sənsizliyə dözürəm,
O ki, səni məndən alıb deyəsən..

Ürəyinin arasında daşınam,
Yaylıqla sil, gözdən axan yaşınam,
Elə et ki, bəd fikirdən daşınam,
İçimdə bir şübhə qalıb deyəsən..

Mən deyilsən bu sevdadan çəkəsən,
Ağlayasan göz yaşını tökəsən,
Səadət də gül deyil ki əkəsən,
Ləçəyini xəzan yolub deyəsən.

Vüsalını xəstə saldı möhnətin,
Könül çəkir ayrılığın zillətin,
Yükləmisən gizli sevda minnətin,
Daha mənə olan olub deyəsən.