Daha ümüd etmə mərhəmətimə,
Sərtliyi öyrəndim daş ürəyindən.
Qəlbimə sancdığın zəhərli oxu,
Cixara biləydim kaş ürəyimdən.

Günəş batan yerdə, zülmət şah olar,
Tufan sərt gələndə, gül çicək solar.
Nə ki arzuların, ümüdlərin var,
Nəsibin alsın boş üreyimdən

Mənim tək göz yaşı olsa çörəyin,
Sönər, külə dönər arzu, diləyin.
Hicran atəşində yanan ürəyin,
Qar üçün dilənsin qış ürəyimdən.

Ay Vüsal, ağlayar bulud gözündən,
İldırımlar çaxar odlu sözündən.
Bir damla düşməsə göyün üzündən,
Ürəyin nəm çəksin yaş ürəyimdən.