Kaş sənə bu qədər yaxın olmazdım,
Uzaqdan uzağa baxıb gedəydin..
Nə ''coban aldadan'' yağmur olaydın,
Nə qəfil çimşək tək çaxıb gedəydin.

Pusqunu hiss edib qaçaydı ovun,
Taqətdən salaydı səni qaç-qovun.
Mənə çatmayaydı odun alovun,
Özün öz ruhunu yaxıb gedəydin.

Bənzəyəydin bir ah çəkən bülbülə,
Qəfəsdən baxaydın sevdiyin gülə.
Göz yaşın dönəydi, çağlayan selə,
Ünvansız- ünvansız axib gedəydin.

Bu lal sükutunu pozub bir anlıq,
Deyəydin bu sevda bitibdi artıq.
Halallıq alaydın, adi halallıq,
Son dəfə nömrəmi yığıb gedəydin.

Sürməni kədərli gözə çəkməzdin,
Yalandan özünü naza çəkməzdin.
Sevirdin, sevgini üzə çəkməzdin,
Biryolluq başıma qaxıb gedəydin.