Şairlik məramı yüksək məramdı,
Yüksəkəlib zirvəyə çatasan gərək.
Görəndə desinlər şair adamdı,
Öləndə desinlər tez aldı fələk.

Şair dediklərim şeir yazandı,
əsl şairlərin qədrini bilək.
Bizi fərqləndirən tək yaradandı,
əsdikcə səmitinə əsəcək külək.

Şairin ilhamı qeyri məkandı,
İlhama gələndə dayanmır bilək.
Yazılan sözlərdə məna qalandı,
Mənasız alınsa məcburuq silək.

Azadın məhəbbətdən sözü kalandı,
İllərdir köksümdə sızlayır ürək.
Desələr sevməmişəm bilsin yalandı,
Yazdığım sözlərlə öyünən mələk.