Şəfiqəm.
(Əmimin nəvəsinə)

Sənsən, hər arzumun ünvanı, adı.
Sənsən, şəkərimin, balımın dadı.
Çox arzulamışdım, sən tək övladı,
Tanrımın payısan, gözəl Şəfiqəm.

Səni qoxlayanda, inciməsin gül.
Xoş gəlsin taleyin, ömrün boyu gül.
Səndən dəyərlisi, yoxdu mənə bil.
Sənsən ən qiymətlim, gözəl Şəfiqəm.

Gündə min yol soyunub geyinməyin,
Hərdən öz-özünə, gileylənməyin.
Bircə dəfə, ürəkdən sevinməyin,
Min dünyaya dəyər, gözəl Şəfiqəm.

Bəzənib özünə, tumar verəndə,
Ananın ayaqqabısın geyəndə,
Şeiri baş-ayaq düzüb deyəndə,
Necə gülməlisən, gözəl Şəfiqəm.

Ağıllıdı, gözəldi, mehribandı,
Ürəyi yumşaqdı, kövrək fidandı,
Qıvrım tellərinə, aləm heyrandı.
Böyü, bəxtəvər ol, gözəl Şəfiqəm.

14-06-2018 Ci il.
Vüsal Ağayev.