Yığışdıqca dərd bağrına,
Qəlbin alır duman çəni.
Ürək dözür hər ağrına,
Günahım yox, sevdim səni.

Mən sevdikçə alışırdım,
Eşq oduna qarışırdım.
Sən küsəndə barışırdəm,
Günahım yox, sevdim səni.

Külək kimi sən əsdikcə,
Yollarını mən kəsdikcə.
Səhər-axşam incidikcə,
Günahım yox, sevdim səni.

Uzandı hicranın yolu,
Bağlanmadı həsrət yolu,
Ömrümüzə yağdı dolu.
Günahım yox, sevdim səni.

Gözlərim yolda qalsada,
Ürək həsrətlə yansada,
Məni xəyal aparsada,
Günahım yox, sevdim səni.

Vücudum yarpaq tək əsir,
Zaman gedir, hey tələsir.
Mən də oldum sənə əsir,
Günahım yox, sevdim səni.

Gəl eşqimə sadiq ol sən,
Bir xəbər al ürəyindən,
Bir ilham al bu sevgidən,
Günahım yox, sevdim səni.

Sinəm qara buludludu,
Vüsal yolda bir yolçudu,
Bu ayrılıq məni yordu,
Günahım yox, sevdim səni.