Demə ki quruyub ilham ceşməsi,
Bu söz məni yandiracaq, yaxacaq.
Səndə olan şeriyyatı, əzizim
Gizlətsən də, gözlərindən axacaq.

Zalım fələk gətirsə bəd dövranı,
Sevincimi alsa kədər karvanı.
Qara bulud saracaq dörd bir yanı.
Göy kükrəyib ildırımlar çaxacaq.

Bilirsən ki yar könlünü yar alar,
Sərt rəftarın eşqimizi yaralar.
Onda çətin sağalacaq yaralar,
Bu da bizim sevgimizi yıxacaq.

Acıq edib baxdın mənə uzaqdan,
Mən özümə gələnmirəm o vaxtdan.
Xatirimə yaman dəydin nahaqdan,
Günahkar hər kimsə üzə çıxacaq.

Məhəbbətim mənə paydı Xudadan,
Ürək, könül doyarmı saf sevdadan.?
Çox incitsən, köçüb getsəm dünyadan,
Yoxluğum da ürəyini sıxacaq.

Hər davranış ürəyimdə iz salıb,
Vüsalın ürəyi gül tək saralıb.
Elə bilmə, sənə eşqim azalıb,
Hələ gözüm, gözünə cox baxacaq.