"BİR İL DAHA QOCALDIM"
Bu gün doğum günümdür;
Bir hədiyyə yaş aldım.
Aldığım təzə yaşla,
Bir il daha qocaldım.
Hər gün ömür qatarım,
Gənclikdən uzaqlaşır.
Hər gün bir az qocalıq,
Mənimlə qucaqlaşır.
Əzizi, doğması tək,
Sıxır məni köksünə.
Gənc ruh qoca cismimə,
İndi bacar gər sinə.
Nə qədər geri qaçsam,
Yollar axır tərsinə.
Ömrüm, həyat eşqimin,
Gedir hər gün əksinə.
Necə sevinib, gülüm,
Necə şad olum ki, mən?
Bir yarpaq daha düşdü,
Bu gün fani ömürdən.