Zirve qarı almaz qaşdı her dağa,
Eyme qeddi, dağ tufana eyilmez!
Kür oğlusan, kükre Kür tek, ay ata!
Er kişisen, er hicrana eyilmez!
*
Ruhum küsür şeklini her görende,
İsteyirem yeri-göyü titredim.
Yeniyetme bir cavansan, çöhrende
Yuva salıb dünya boyda hesretim.
*
Eyilmezem, eyilirem önünde,
Zil qaradı, bextin kimi, gözlerim!
Ata kimi yaşasam da evinde,
Körpe kimi gelişini gözlerem.
*
İller bizi ayrı saldı ezelden,
Rastlaşaydıq, kam alaydı üreyim!
Sensizliyi miras qoydun bize sen,
Axı bele mirası men neyleyim?
*
Men ne deyim bu dövrana, bu hala?
İşe bir bax: men toxtamış, sen cavan.
Rahatlığım yetim qalıb, çalxala!
Zaman dönsün, dövran çıxsın oxundan!
*
Alaq biz de kamımızı, atacan!
Ulduz olaq, kehkeşanlar doğulsun!
Rüsvay edek, şeri qovaq dünyadan,
İtgin salaq, haqqa heykel qoyulsun