Bu pəri çöhrəlinin gör nə gözəl gözləri var!
Bu necə dan yeri ki, bir cüt əkiz ülkəri var?
*
Gör neçə qan elədi, bir gözucu baxmaq ilə,
Yoxsa, bu mürvətsizin gözlərində xəncəri var?
*
Od alan fəryadıma su çilədi, mən nə bilim?
Sən demə, yağ dağ ikən suyun özgə hünəri var!
*
Məcnuna xəbər verin, sərdari-divanə mənəm,
Dilimin Leylidən də betər şirin əzbəri var!
*
Bir naşı lağ elədi, dözəmmədim tənbehinə,
Yenə bir qanan olsa, deyərdim ki, döz, yeri var.
*
Kim necə bilir-bilsin, mənə qalsa, bu dünyada,
Hər qəlbin öz aləmi, hər ilhamın öz yeri var.
*
Vüsalın, deyirlər ki, adı-sanı olmasa da,
Söz-sənət yığnağında hərdən yaxşı sözləri var.