Puçur-puçur sevdalanan könlümə,
Bahar gəlib, solmaz bahar, nə gözəl!
Heyran olub Xarı bülbül gülümə,
Ləçəyindən şəbnəm damar, nə gözəl!
Nə gözəldi sevgilim yar, nə gözəl!
*
Yer qəribə, göy qəribə,
Qəribə gələndimi saza, sözə, tərifə.
Sarmaşıbdı necə zirək zərifə,
Dildə oxay, gözdə xumar, nə gözəl!
Nə gözəldi sevgilim yar, nə gözəl!
*
Sevincimin qanadı zər, özü şux,
Səadətim bir dünyadı, gözüm tox.
Yarıcanam, sevilmişəm, bəri bax,
Qızılgülüm sığal umar, nə gözəl!
Nə gözəldi sevgilim yar, nə gözəl!
Bundan artıq cənnətmi var, nə gözəl!