Kovrəlib getmişdim bu gün dənizə,
Baxirdim sahildə qoyduğum izə.
Dənizlə durmağım, mənim göz gözə,
Dənizi yamanca cuşa gətirdi.

Yalvarıb şimşəyə çaxma deyirdim,
Hönkürüb yağışa yağma deyirdim.
Dəniz: - xəyalımıy boğma deyirdim,
Həvəslə dalğanı qoşa gətirdi.

Qoy üzsün xəyallar, qoy üzsün hələ,
Yenə rəsim cəkim, qumlu sahilə.
Bəlkə sevdiyim yar, sahilə gələ,
Dalga ümüdümü daşa gətirdi.

Dalğalar aramla, coşub astaca,
Sanki yeriyirdi ağsaçlı qoca.
Dalğalar böyüyüb olduqca uca,
Dəniz ümüdümü boşa gətirdi.

Bir yanda sahilə yan almış gəmi,
İndi yorğunluqdan boşaldır qəmi.
Küləklər dənizdən qalxan sis nəmi,
Qatdı gözlərimdə yaşa gətirdi.