Hər deyilən sözün öz havası var,
Qoxusu bir cürə, ətri bir cürə.
Böyüyün, kiçiyin bilinir burda,
Qiyməti bir cürə, qədri bir cürə.

Hər addımı, izi seçən var burda,
Ar olmali, gələn, keçən var burda,
Gör neçə cür ölçən, biçən var burda,
Hörməti bir cürə, xətri bir cürə.

Zəmanə bəd gəlib vaxt da dayanmır,
Bəzən həqiqətə kimsə inanmır.
Bir ofisdə hamı eyni dolanmır,
Fəhləsi bir cürə, sədri bir cürə.

Bu gün adamlar da dönüb suala,
Aramla düzləri çəkir min yola.
İnsanlıq yamanca dönub xəyala,
Üzləri bir cürə, içi bir cürə.

Onsuzda könlümdə köhnəlib yaram,
Mən qəmə mizrabam, nisgilə sazam.
İstədim dərdimi şeirlə yazam,
Mənası bir cürə, məğzi bir cürə.