Mən bilirəm

Mən bilirəm mənim kimi dəli-dolu qadının,
Ömür boyu kimsə çəkməz işvəsini, nazını.
Mən bilirəm öz özümdən küssəm necə kinliyəm,
Qış edərəm bir ömürlük baharımı, yazımı.

Mən bilirəm bulud kimi dolan xasiyyətim var,
Mən bilirəm gözlərimin sənə necə yağmağın.
Dəyişərəm həyatımın ən narazı tərəfin,
Bəs eyləyər bircə dəfə uzaqlardan baxmağın.

Mən bilirəm gözümdəki yorğunluğun səbəbin,
Mən bilirəm sənə görə neçə-neçı yol çəkib.
Kaşki sən də anlayardın ruhum daha məhv olur,
Sənsizlikdən ölümünün fərmanına qol çəkir.

Əfsanə Rəvan