_Adam bezər tənhalığın əlindən_

Saat kimi həsrətində eynidi,
Dəyişmir ki, rəqəmlərdə yerindən,
Həsrət çəkən bir şairin beynidi,
Adam bezir tənhalığın əlindən.

Xəyalların aslılığı yaranar,
Xoş söz gəlməz tək insanın dilindən,
Elə bil ki, şeirlərdə beziblər,
Adam bezən, tənhalığın əlindən.

Fəsil-fəsil unutmağın yolunu,
Öyrənmək olmur ki,ötən ilindən,
Zaman keçər, dəyişdirməz həsrəti,
İllər bezər ,tənhalığın əlindən.

Nə yamandır tənhalığın cəzası,
Qərib düşər adam doğma elindən,
Kömək olmaz yaxınların duası,
Adam bezər , tənhalığın əlindən

Azad Amal