Gül üzlü gözəlim, incimə dildən!
Ürək istəyini canana deyər.
Leyli cam alarsa, eşqin əlindən,
Dərdini Məcnun tək loğmana deyər.


Əridim əlində qansız möhnətin,
Ruhumu taladı dilsiz həsrətin.
Əl üzməz sevən kəs, olsa da çətin,
Neyləsin, ahını yanana deyər.


Başımı tovlayır sevdanın dəmi,
Etmə gəl, könlümü həsrət həmdəmi!
Pərvanə yanmazsa, artırar qəmi,
Odlansa:-qurbanam peymana-deyər.