**Kənan Bərdəli**


Mənə kasıb deyib gedən vəfasız
Kim necə olacaq bilməy olarmı
Vaxt gələr qapımı döyüb deyərsən
Bağışlayın müdür gəlməy olarmı

Sevgi qatilisən,hara qaçırsan
Sanmaki sevgimin qanı batacaq
Hələki azadsan azad gəzirsən
Səni gün gələcək ahım tutacaq

Getmisən matəmə dönüb həyatım
Baxma güldüyümə millət içində
Bu mənim səhvimdi sevmişəm səni
İndi yaşayıram zillət içində

Mənə məhəbbətdən danışma nolar
Artıq inanmıram sözünə sənin
O gözəl gözlərdə şeytan gizlənib
Gözəlliyin qalsın özünə sənin

Məhəbbət yoluyla dəlilər gedir
O yolu asan yol hesab eləmə
Başın üçün deyil o yolu getmək
Boş yerə başını xarab eləmə

Canımı verərdim səndən ötəri
Öl desən ölərdim nəfəs almazdım
Sən mənim qəlbimi yerə salanda
Mən sənin sözünü yerə salmazdim

Bilirəm evlisən xoşbəxt olasan
Həyatın necədi xoşuna gəlir?
Getdiyin insanda sevmirmiş səni
Mənə etdiylərin başına gəlir

Əvvəllər sevəndə elə bilirdim
Dünyada ən gözəl xoş şeydi sevgi
Sevginin xoş üzü gedəndə bildim
Əllərim boş qaldı,boş şeydi sevgi