El ele bilir ki, dünya menimdi,
Heç öz üreyim de menimki deyil.
Olanım-qalanım satlıq-satındı,
Duzum, çöreyim de menimki deyil.

Ömrüm ömürlere calanıb gedir,
Olanım sökülüb, talanıb gedir.
Bitmezim üst-üste qalanıb gedir,
Taxçam, tereyim de menimki deyil.

Yaxına baxıram, uzağım itir,
Uzağa baxıram, gözdağım bitir.
Çalxadığım gedir, süzdüyüm gedir,
Qabda xöreyim de menimki deyil.

İtenim doğmadı, yad doğub itir,
Dost-doğma budaqda yad zoğu bitir,
İçimden göyerib yad-yağı bitir,
Qeyret direyim de menimki deyil.

Canıma daraşan zeli qan sorur,
Yaxşıya-yamana baxmadan sorur.
Arxa söykediyim arxadan vurur,
Belim, küreyim de menimki deyil.

Birce ulularım ün yetenimdi,
Özge neyim varsa, mene qenimdi.
El ele bilir ki, dünya menimdi,
Birce çereyi de menimki deyil.