Dinle, Qardaş, dinle, sene sözüm var,
Bu qelemle, bu varaqla, necesen?
Xeyal seyyar, arzu dadlı, ömür kem...
Yaxın-uzaq bir soraqla, necesen?


Doğma ocaq isindirdi qelbimi,
Mizrab çekdi, titredi könlüm simi.
Dağ döşünde yorğun bir maral kimi,
Xumarlanan Ağbulaqla, necesen?


Dost gelişi çöhresine nur sepen,
Merd baxışın merd gözlerinden öpen,
"Xoş gelmisen" kelmesiyle serpilen,
Etir saçan gül dodaqla, necesen?


Bahar gelib bu torpağa, bu ele,
Can verilib her arzuya, emele;
Yaz küleyi daraq çekirse tele,
Göy ot üste kef-damaqla, necesen?


Yaşıl meşe, ürek oxşayan tala!
Çırpı getir, yol üste tonqal qala!
Şiş hazırla, tikeleri xırdala,
Köz kababı, yüz araqla, necesen?


Ağac altda yere süfre salmışıq,
Xoş dileyin elinden cam almışıq!
Bexteverik, doyunca kam almışıq!
Teşne dodaq, buz bulaqla, necesen?!


Diz berkidib kef üstünden duranda,
Ne diledin, söyle görüm, bir anda?
Xoşhallanıb, gözler xumar vuranda,
Xalı sermiş göy otlaqla, necesen?


Axşam mehi, göy buludsuz, yer serin...
Boz turaclar bezeyidir bu yerin.
Serxoş ovçu, titreyende ellerin,
Sözebaxmaz yar-yaraqla, necesen?


Aşıq Famil saz götürüb dinende,
Bir mürgülü köz alışdı sinemde.
Bir ah çekdim, cızdağ oldum, bu demde,
Cızhacızla yanan yağla, necesen?