**RAUF ƏLİOĞLU**

Yəqin unutmusan çoxdandır məni.
Yada düşmürəm əlbət xatırlamırsan
Tək tənha yatdığın bütün gecəni
Az da olsa xəlvət,xatırlamırsan
Mən ki dad etmədim eşqin əlindən
Bülbül əl çəkərmi məgər gülündən
Bir vaxtlar sevgiylə dolu könüldən
Yox əsər-əlamət,xatırlamırsan
Bəlkə də sevirsən başqa birini
İndi qoxulayır gül tellərini
De üzdünmü məndən sən əllərini
Getdimi o səadət xatırlamırsan
Sən indi uzaqsan üfüqlər kimi
Qürubda saralan şəfəqlər kimi
Güman ki vəfasız aşiqlər kimi
Eylədin xəyanət,xatırlamırsan