Mən mülki-cəhan, cəhan mənəm, mən
Mən həqqə məkan, məkan mənəm, mən.

Mən ərşilə fərşü kafü nunəm,
Mən şərhü bəyan, bəyan mənəm, mən.

Mən kövnü məkanü "kün fəkan"əm
Bilgil ki, nişan, nişan mənəm, mən.

Mən sürəti-mə'nidə həqəm, həq,
Mən həqqi-əyan, əyan mənəm, mən.

Bir gövhəri əqdəməm əzəldən,
Ey gövhərə kan, kan mənəm, mən.

Mən atəşi-eşqi-nuri-həqqəm,
Musayə zəban, zəban mənəm, mən.

Mən cümlə cəhani-kainatəm,
Mən dəhri-zəman, zəman mənəm, mən.

Mən ayəti-müshəfü kitabəm,
Ey nöqtədəhan, dəhan mənəm, mən.

Mən qövsilə həm kəmanü tirəm,
Ey tirə kəman, kəman mənəm, mən.

Cəmşidi-zəmanü aləm oldum,
Cəmşidi-zəman, zəman mənəm, mən.

Mən nəqşi-xəyali-xətü xaləm,
Mən hərfü lisan, lisan mənəm, mən.

Mən gənci-nihani "küntü-kənz"əm,
Mən gənci-nihan, nihan mənəm, mən.

Mən zatü sifati-"gün-fəkan"əm,
Mən ruh ilə can, can mənəm, mən.

Mən kafirə matəmü-müsibət,
Möminə iman, iman mənəm, mən.

Mən cənnətü ani-kövsər oldum,
Ey səhni-cinan, cinan mənəm, mən.

Mən bəhri-mühitü həm kəranəm,
Ey bəhri-kəran, kətan mənəm, mən.

Mən sirrəmü tövhidən, hədisəm,
Həm qeubü güman, güman mənəm, mən.

İnsanü bəşərsən, ey Nəsimi,
Həqdir ki, həman, həman mənəm, mən.