Sən dərdimi çəkməkdən xilas oldun, ölərək,
Rahat uyu,anacan,təzə yerin mübarək!

Qarşıdadır,qarşıda hələ qəmim,kədərim.
Mənim anasız günüm. Mənim yetim günlərim.

Birdən sanki yer çəkib ürəyimi apardı,
Qəbristan sükutunda anam fəryad qopardı.
Daşların arasıyla o yüyürür,o qaçır.
Ayaqları dolaşır.

O yıxılır,dikəlir,gəlir,dalımca gəlir!
Hürkmüş bir dəli kimi vağzalacan yüyürdüm.

Adam içinə girdim.
Evə gəlib çatanda
Gördüm o məndən qabaqgəlib durub eyvanda.

Çabalayır,çırpınır,məndən gileylənirdi.
Yarımqapalı gözlər elə bil ki,deyirdi:
--Məndən ayrılma!.