Mən o gün dünyanın daşın atdım ki
Aslanlar kaftarın artığın yedi
Sərçələr Qartaldan zirvədə uçdu
Canavar çaqqala nökərəm dedi

Mən o gün dünyanın daşın atdım ki
İtlər harınlaşıb qurdu qapdılar
Hamının dəyəri qara pul oldu
Dəyər verməyənlər dəyər tapdılar.

Mən o gün dünyanın daşın atdım ki
Canlı dünyasına sanal qatışdı
Eşikdə yatdılar iş uşaqları
Amma taxtın üstündə itlər yatışdı

Mən o gün dünyanın daşın atdım ki
Sevənlər nifrətlə açdı sözlərin
Bir kişi buraxdı öz namusunu
Xalqın namusuna dikdi gözlərin

Mən o gün dünyanın daşın atdım ki
Çalışmaq səhmini insanlar böldü
Biri işləmədi kefləndi
Biri işləyə işləyə acından öldü

Mən o gün dünyanın daşın atdım ki
Tanrı insanlara bir qərib oldu
Haqqın bağçasında tikanlar bitdi
Amma dəyər verən çiçəklər soldu




Fikirlər.