RAHİB ƏMİ.
( Xalam qızının yoldaşı Rahib Tağıyevə ithaf edirəm )

Dünya gərdişinə, dözmədi ürək,
Apardı səni də, amansız fələk,
Qaldı ürəyində, çox arzu-dilək,
Varlığın ömrə zər, ay Rahib əmi.

Necə unudaq biz, sənli dünəni?
Sənin öyüdlərin, böyüdüb məni.
Gözləri yoldadır, axtarır səni,
Bu körpə nəvələr, ay Rahib əmi.

Ölümün sarsıltdı, xalam qızını,
Ömürlük unutdu, bahar-yazını.
Daha duymayacaq, xoş avazını,
Neyləsin Laləzər, ay Rahib əmi.

Rafət inanmayır, sənin köçünə,
Ata ayrılığın, vurur içinə.
Çəkdin Mübarizin, dağ sinəsinə,
Ayrılıq bir zəhər, ay Rahib əmi.

Ölümün sarsıltdı, mən Vüsalı da,
Fələk sevənini, salıbdır oda.
Sənli günlərimiz, düşdükcə yada,
Çəkirik dərd-kədər, ay Rahib əmi.

Vüsal Ağayev
03-10-2019 cu il!