ONUR

Canım. Az saytının yaradıcısı, baş admini Telman Məmmədovun oğluna ithaf olunur!


Həsrət ilə, mən yolunu, gözlədim
Qədəminə, qurban kəsim ay Onur.
Daim sənin, hər anını, izlədim,
Tapanmadım, inan sənə, tay Onur.

Böyü, vətənini, elini qoru,
İrqini, dinini, dilini qoru.
Köməyə uzanan, əlini qoru,
Tanrı səni, verib bizə, pay Onur.

Atan Telman kimi adil, aqil ol,
Yetimə, məzluma sən şirindil ol.
Düşmənə dərya ol, dost üçün göl ol,
Ömrün olsun, daim bahar, yay Onur.

Adına layiq ol əməlisaleh,
Hər kəs əməlinlə olsunlar valeh.
Oxşasın qəlbini gül üstündə şeh,
Daima, ver, haraylara, hay Onur.

Başını qatasan daim işinlə,
Ömrünü sürəsən öz vərdişinlə.
Vüsal əminin nəsihətin dinlə,
Düzlüy ilə, dünyada iz qoy Onur.