...Və bir də çıxıb gedəsən
qağayıların xətrinə.
Gedəsən - dənizin olmayasan,
gedəsən - heç kəsin olmayasan...

Bir gün də deyələr ki,
"Səni bulud unudub,
daha səni isladacaq
yağışı yox göy üzünün..."

Daha Rəşid dayının da
qızı yox sevib atmağa,
yetimi yox unudulacaq...

Güllənin qızıldan olması
fərq etməz atəşin ölümcüllüyünə.
Və bir də vuranın əlləri yoxdursa,
fərq etməz qatilə
Ki,
əlləri qana batmasın.
Ay Allah, kömək ol, o Rəşid dayının qızı unudulmasın...

Sonra görün nə deyirəm:
dünən ona yazdım ki,
"Həryerinsizləmişəm..."
Sh-D