ŞAİR QARDAŞIM Vusal Agayevə cavab:

Şairi şe'r ilə təbrik etmisən,
Şe'r ilə təşəkkür bildirim, gərək.
Min qatın qardaşın arzular sənə,
Şe'rində yazmısan neçə xoş dilək.

Biz riya, fırıldaq, yalan bilmədik,
İşim aşsın deyə, üzə gülmədik
Daim alnın açıq, qəddin ola dik,
Həmişə gülərüz, səni şən görək.

Qardaşım, kefin kök, sağ olsun canın,
Sevinsin dostların, yansın düşmanın,
Ad günün eylədin təbrik Xaqanın,
Ay sənin hər günün, Vüsal, mübarək.

Müəllif: Elşad Xaqan!